لاہور( این این آئی) یوٹیلٹی اسٹورز پرچینی سمیت پچاس سے زائد برانڈڈ اشیا ء کی قیمتوں میں اضافہ ہو گیا ۔ رپورٹ کے مطابق یوٹیلیٹی سٹورز چینی کی قیمت میں 3روپے فی کلو تک اضافہ کر دیا گیا جس کے بعدایک کلوچینی 69روپے سے بڑھ کر 72روپے فی کلوہوگئی۔مختلف برانڈز کے صابن کی قیمت میں
بھی دو روپے کا اضافہ کیا گیا جبکہ 400 ایم ایل شیمپوکی قیمت میں 20 روپے اور 200 ایم ایل شیمپو کی قیمت میں 10روپے تک کا اضافہ ہوا جس کے بعد 400ایم ایل کا برانڈڈ شیمپو374روپے سے بڑھ کر 394روپے کاہو گیا۔یوٹیلٹی اسٹورز پر مجموعی طور پر 50سے زائد برانڈڈ اشیاء کی قیمتوں میںاضافہ دیکھا گیا ہے ۔
