اسلام آباد (نیوز ڈیسک) ایک بزرگ ریڑھی بان کی ویڈیو سوشل میڈیا پر وائرل ہے جس میں وہ تحریک انصاف حکومت کے پہلے بجٹ پر مبارکباد دے رہے ہیں اور کہہ رہے ہیں کہ کوئی مہنگائی نہیں ہے، انہوں نے خدا کی قسم اٹھاتے ہوئے کہا کہ آج ہر چیز سستی ہے، میں نے آڑو 50 روپے میں دو کلو بیچا ہے، آلو 120 روپے کا پانچ کلو، سو روپے میں چار کلو، عمران خان سے سارے غریب خوش ہیں، انہوں نے کہا کہ میں خدا کی قسم کھا کر کہتا ہوں اور تین دفعہ اللہ کو حاضر و ناظر جان کر کہتا ہوں کہ کوئی مہنگائی نہیں ہے یہ اپوزیشن کا جھوٹا پروپیگنڈہ ہے۔ انہوں نے کہاکہ

آٹے کی بوری پہلے 2400 میں ملتی تھی آج کل 2000 میں ہے، انہوں نے کہا کہ پہلے چینی کی بوری 4500 میں خریدی تھی آج یہ تین ہزار میں مل رہی ہے، ہم نے چینی فی کلو 100 روپے میں خریدا ہے لیکن اب 60 سے 70 روپے کلو مل رہا ہے۔یہ سب اپوزیشن کا پروپیگنڈا ہے، بزرگ ریڑھی بان نے وزیراعظم عمران خان کو دعائیں بھی دیں، ان کی اس ویڈیو پر سوشل میڈیا صارفین نے مختلف ردعمل کا اظہار کیا کسی نے ان بزرگ کی حمایت کی اور کسی نے مخالفت کرتے ہوئے کہا کہ یہ تحریک انصاف کے سپورٹر ہیں اس لیے ان کی آنکھوں پر پٹی بندھی ہوئی ہے۔