اسلام آباد(نیوز ڈیسک)صوبائی وزیر بلدیات علی امین کا بلدیاتی الیکشن کے دوران دھاندلی کرنے پر مقدمہ درج کر لیا گیا ہے تاہم صوبائی وزیر کی گرفتاری عمل میں نہ آ سکی،علی امین کےخلاف کارروائی نہ کرنے پر ڈیرہ اسماعیل خان میںاحتجاجی مظاہرہ ،مظاہرین نے شہر کی مین داخلی راستے کو بلاک بلاک کر دیا،علی امین کو گرفتار اور حلقہ میں دوبارہ الیکشن کرانے کا مطالبہ کر دیاہے۔میڈیا رپورٹس کے مطابق پیر کے روز بلدیاتی الیکشن کے دوران دھاندلی کرنے کے خلاف ایک بار پھر سڑکوں پر نکل آئے اوردھاندلی میں ملوث صوبائی وزیر بلدیات علی امین کے خلاف احتجاجی دھرنا شروع کردیا،مظاہرین نے کتبے اور بینرز اٹھا رکھے تھے جس پر صوبائی حکومت کیخلاف نعرے درج تھے،احتجاجی مظاہرین نے شہر کی مین داخلی راستے کو ٹائر جلا کر بلاک کر دیا ،مظاہرین کا کہنا تھا کہ صوبائی حکومت بلدیاتی انتخابات شفاف طریقے سے کرانے میں مکمل طور پر ناکام ہو چکی ہے اور تحریک انصاف کے وزراءنے دھاندلی کی ہے،ان کا کہنا تھا کہ بلدیاتی الیکشن کے دوران صوبائی وزیر بلدیات علی امین نے طاقت کا استعمال کیا ہے اورریٹرننگ افسران کو زدوکوب کر کے بیلٹ باکس اٹھا کر لے گئے گئے ،مظاہرین نے مطالبہ کیا کہ صوبائی وزیر بلدیات علی امین کوفوری طور پر گرفتار کیا جائے اورحلقہ میں دوبارہ ری پولنگ کرائی جائے۔واضح رہے کہ خیبر پختونخواہ میںبلدیاتی الیکشن کے دوران صوبائی وزیر بلدیات علی امین نے وارڈ نمبر 1 میں الیکشن کے دوران اثر انداز ہونے کی کوشش کی اور بیلٹ باکس اٹھا کرلے جارہے تھے
کہ اس دوران مظاہرین نے علی امین کا گھیراﺅ کر لیا اور پولیس کی مظاہرین کے ساتھ 2 گھنٹے مذاکرات کے بعدعلی امین کو چھوڑ دیا گیا۔واضح رہے کہ ڈسٹرکٹ وار نمبر 1 میںتحریک انصاف کے امیدوار اقبال بم اور آزاد امید وار ملک فرحان دھپ کے درمیان کانٹے کا مقابلہ تھا اور اس میںتحریک انصاف کے امیدوار نے بھاری مارجن کے ساتھ کامیابی حاصل کی ہے،ڈی سی اوڈیرہ اسماعیل خان کے مطابق صوبائی وزیر بلدیات علی امین کے خلاف ایف آئی آر درج کر لی گئی ہے،جس میں 506/353/148/149کی دفعات شامل کی گئی ہے ،رپورٹ کے مطابق آئی جی خیبر پختونخواہ کے احکامات کے بعد صوبائی وزیر بلدیات علی امین کے خلاف کارروائی کی جائے گی۔
