کراچی(این این آئی)گزشتہ ایک ہفتے کے دوران روپیہ مضبوط جبکہ ڈالر کمزور ہوا، انٹر بینک اور اوپن مارکیٹ میں قیمت ساڑھے 3 روپے تک کم ہو گئی۔روپیہ جان پکڑنے لگا اور ڈالر کمزورہونے لگا، ایک ہفتے کے دوران انٹربینک میں ڈالر3روپے کمی کے بعد 147 روپے 91 پیسے میں بند ہوا۔ ڈالر دام گرنے سے بیرونی قرضوں کے بوجھ میں ایک
ہفتے کے دوران ہی لگ بھگ 305 ارب روپے کی کمی ہو گئی۔انٹر بینک کی دیکھا دیکھی اوپن مارکیٹ میں بھی ڈالر ایک ہفتے کے دوران ساڑھے 3 روپے کمی کے بعد 149 روپے میں بند ہوا، کرنسی ڈیلرز ڈالر کی قیمت میں کمی کی وجہ امپوٹرز کی ڈیمانڈ میں کمی، ترسیلات زر میں اضافہ اور درآمد کنندگان کی جانب سے ڈالر کی فروخت بتا رہے ہیں۔
