اسلام آباد / چشمہ(نیوزڈیسک) تحریک انصاف کے چیئرمین عمران خان نے نادرا چیئرمین کی جانب سے این اے122کے حوالے سے الیکشن ٹربیونل کی کارروائی میں شرکت کے بجائے دو ہفتوں کے لئے بیرون ملک روانگی پر انتہائی تشویش کا اظہارکیا ہے۔سماجی رابطے کی ویب سائٹ پر اپنے پیغام میں ان کاکہنا تھاکہ چیئرمین نادراکا این اے122 کی سماعت کرنیوالے ٹربیونل میں پیشی کے بجائے 2 ہفتوں کے لیے ملک سے باہر جانا حیرت اورتشویش کاباعث ہے۔ان کاکہنا تھاکہ چیئرمین نادراکوالیکشن ٹربیونل کے روبرو پیش ہونا تھا تاہم آخری لمحے پر بتایاگیاکہ نادراکے سربراہ سرکاری دورے پر بیرون ملک جا چکے ہیں۔انکے مطابق یوں محسوس ہوتاہے نادراکے چیئرمین پرحکومتی دباؤ ہے۔نادراکی جانب سے این اے122کے حوالے سے جمع کروائی گئی ضمنی رپورٹ پر بھی تشویش کا اظہارکرتے ہوئے تحریک انصاف کے چیئرمین نے کہاکہ نادرا نے ضمنی رپورٹ میں خودمرتب کیے ہوئے حقائق تبدیل کردیے ہیں جسکی اس سے پہلے کوئی مثال تک نہیں ملتی۔انہوں نے زور دیکر کہاکہ تاخیرسے فراہم کیاجانیوالا انصاف فی الحقیقت انصاف سے محروم کرنے کے ہی مترادف ہے۔تحریک انصاف دو برس سے این اے122میں الیکشن ٹربیونل کے فیصلے کی منتظر ہے جبکہ نادراسربراہ نے ٹربیونل میں پیشی کی بجائے بیرون ملک روانگی کو ترجیح دی۔دریں اثناء میانوالی میں نمل کالج کے دورہ کے موقع پر میڈیا سے گفتگوکرتے ہوئے عمران خان کا کہنا تھاکہ خیبر پختونخواکے بلدیاتی انتخابات ایک انقلاب ہے۔اب فنڈز نچلی سطح پر جائیں گے اوروزیراعلیٰ سارے فنڈاپنے پاس نہیں رکھے گا۔اگربلدیاتی انتخابات میں دھاندلی کی کوئی بھی شکایت موصول ہوئی توصوبائی حکومت فوری طور پرجائزہ لے گی۔اقتصادی راہداری کے حوالے کے انکاکہنا تھاکہ چین نے اقتصادی راہداری خیرات میں نہیں دی بلکہ وہ اپنے مغربی پسماندہ علاقوں کو ترقی دینا چاہتا ہے۔ہماری حکومت کوبھی چاہئے کہ میانوالی اورڈی آئی خان جیسے پسماندہ علاقوں کی ترقی کے لئے اس موقع سے فائدہ اٹھائے۔ عمران خان کاکہناتھاکہ نادراکے چئیرمین پر نوازشریف کا دباؤ ہے اس لئے وہ عدالت میں پیش ہونیکی بجائے رخصت پرچلے گئے۔عمران خان کاکہنا تھاکہ تحریک انصاف جمہوری پارٹی ہے ا س لئے پارٹی کے الیکشن ٹربیونل کے فیصلے کے بعدتنظیمیں توڑکرعبوری سیٹ اپ لائے ہیں۔قبل ازیں عمران خان ہیلی کاپٹرکے ذریعے نمل کالج پہنچے انکے ہمراہ انکی اہلیہ ریحام خان کے علاوہ پاکستان اوربیرون ملک کے ڈونرزبھی موجود تھے جو نمل کالج کے توسیعی منصوبے کے لئے فنڈز دینے آئے تھے۔
بلدیاتی انتخابات کا انعقاد ہی انقلاب ہے، عمران خان
آج کی سب سے زیادہ پڑھی جانے والی خبریں
آج کی سب سے زیادہ پڑھی جانے والی خبریں
-
بوسنیا میں چار دن
-
سونے کی فی تولہ قیمت میں آج بھی بڑی کمی
-
زہریلی کھیر کھانے سے خاندان کے 5 افراد کی ہلاکت کا ڈراپ سین، بیٹی سمیت 4 ملزم گرفتار
-
سونے کی قیمت میں مسلسل کمی، 14 ماہ کی کم ترین سطح پر پہنچ گئی
-
غیر ملکیوں کا ڈیٹا لیک کرنے کے ملزم نے گلا کاٹ لیا
-
سوشل میڈیا انفلوئنسر سے زبردستی شادی کیلیے گھر آنے والا مداح اہلخانہ کے تشدد سے ہلاک
-
دلہن کی سرکاری نوکری کا بھانڈا پھوٹنے پر دولہا نے شادی توڑ دی
-
نئی آٹو پالیسی سے 660 سی سی گاڑیاں سستی ہونے کی توقع، کار ڈیلرز ایسوسی ایشن کے چیئرمین کا بیان
-
ایشیائی چیمپئن بننے کے تین بعد باڈی بلڈر سجاد کی موت نے سب کو حیران کردیا
-
نوڈلز کھانے سے 2 کمسن بہنیں جاں بحق، ایک کی حالت تشویشناک
-
بجلی چوروں کی فہرستیں تیار،جائیدادوں کی نیلامی اور شناختی کارڈ منسوخ کرنے کا اعلان
-
نوجوانوں کے لیے خوشخبری، حکومت کا گھر بیٹھے روزگار کمانے کے لیے اہم قدم
-
جیٹ فیول، مٹی کے تیل اور لائٹ ڈیزل آئل کی قیمتوں میں مزید کمی
-
پنجاب زمین ایپ کے ذریعے صرف 2 منٹ میں فرد حاصل کرنے کا طریقہ



















































