اسلام آباد( آن لائن) وزیراعظم عمران خان 14 اگست کو ہزارہ موٹر وے کا افتتاح کریں گے ۔میڈیا رپورٹ کے مطابق ہزارہ موٹر وے منصوبے پر 80 فیصد کام مکمل کیا جا چکا ہے جبکہ 20 فیصد کام آئندہ تین ماہ کے دوران مکمل کیا جائے گا۔ اس سے قبل ہزارہ موٹر وے کو مرحلہ وار کام مکمل کرنے
کے ساتھ نیشنل ہائی وے کی جانب سے کھولنے کا پروگرام تھا تاہم اب ہزارہ موٹر وے پر کام کی رفتار کو مزید تیز کردیا گیا ہے۔نیشنل ہائی وے اتھارٹی نے ہزارہ موٹر وے منصوبے کو مانسہرہ تک ایک ساتھ کھولنے کا فیصلہ کیا ہے جس کا افتتاح اگست میں وزیراعظم مانسہرہ کے مقام پر کریں گے۔
