راولپنڈی (نیوزڈیسک) وزیراعظم نواز شریف نے بھارتی رہنماﺅں کے بیان پر تشویش کا اظہار کرتے ہوئے کہا ہے کہ غیر ملکی انٹیلی جنس ایجنسیاں پاکستان کو غیر مستحکم کرنا چاہتی ہیں ، دشمن کے عزائم ناکام بنا کر پاکستان کو محفوظ بنائیں گے ۔ ہفتہ کو پاک فوج کے شعبہ تعلقات عامہ ( آئی ایس پی آر) کے مطابق وزیر اعظم نواز شریف اور آرمی چیف جنرل راحیل شریف نے آئی ایس آئی ہیڈ کوارٹر کا دورہ کیا ، اس موقع پر وفاقی وزیر دفاع خواجہ محمد آصف ، وزیر داخلہ چوہدری نثار علی خان ، وزیر خزانہ اسحق دار ، وزیراعظم کے قومی سلامتی اور خارجہ امور کے مشیر سرتاج عزیز اور وزیراعظم کے خصوصی معاون برائے خارجہ امور طارق فاطمی بھی موجود تھے ، وفاقی وزراءبھی وزیراعظم کے ہمراہ تھے ۔ ڈی جی ائی ایس آئی نے وزیراعظم کے ہمراہ تھے ۔ ڈی جی آئی ایس آئی نے وزیراعظم اور آرمی چیف کو سیکیورٹی امور پر تفصیلی بریفنگ دی اور انہیں انٹیلی جنس کی بناید پر ہونیوالے آپریشنز سے آگاہ کرتے ہوئے بتایا کہ ان آپریشن میں کئی دہشگردوں کو ختم کیا گیا ہے جس پر وزیراعظم نے آئی ایس آئی کی کارکردگی کو سراہاتے ہوئے کہا کہ ہمیں آئی ایس آئی پر فخر ہے ۔ غیر ملکی انٹیلی جنس ایجنسیاں پاکستان کو غیر مستحکم کرنا چاہتی ہیں لیکن ہم دشمنوں کے عزائم ناکارہ بنا کر پاکستان کو محفوط ملک بنائیں گے ۔ انہوں نے کہا کہ دہشتگردی اور انتہاءپسندی پاکساتن کےلئے بڑا چیلنج ہے ، وزیراعظم اور آرمی چیف نے بھارتی موقف پر تشویش کا اظہار کیا ۔ وزیراعظم نے کہا کہ ملک دشمنوں کے ناپاک عزائم کو ناکام بنایا جائے گا ، خوشحال پاکستان بنانے کےلئے انتہا پسندی کا خاتمہ ضروری ہے ، پاکستان کو ہر قیمت پر مستحکم اور خوش حال ملک بنائیں گے ، پاکستان مخالف کسی بھی حرکت کا جواب دینے کےلئے پاکستان کے پاس مکمل صلاحیت موجود ہے اور جواب دینے کےلئے اقدامات کیے جائیں گے ۔ وزیراعظم نواز شریف نے بھارتی رہنماﺅں کی طرف سے حالیہ بیانا ت پر تشویش کا اظہا رکرتے ہوئے اس عزم کا اعادہ کیا کہ پاکستان مخالف کسی بھی سرگرمی کا موثر جواب دیا جائے گا ۔