جوہانسبرگ(این این آئی)پاکستانی کرکٹ کی خواتین ٹیم اور جنوبی افریقہ کی خواتین کے درمیان دوسرا ون ڈے میچ 9مئی کو کھیلا جائیگا ۔تفصیلات کے مطابق دونوں ٹیموں کے درمیان دوسرا ایک روزہ میچ 9اور تیسرا 12مئی کو کھیلا جائیگا، ٹی ٹوئنٹی سیریز کے میچز 15سے 23 مئی تک مکمل ہوجائیں گے۔بسمہ معروف 15رکنی اسکواڈ کی قیادت کرینگی ون ڈے میچز کیلئے ٹیم میں ناہیدہ خان،جویریہ خان

جویریہ رئوف، سدرا امین، عمائمہ سہیل، ندا ڈار، عالیہ ریاض، کائنات امتیاز، سدرا نواز، ثنا میر، نشرا سندھو، فاطمہ ثنا، ایمن انور اور رامین شمیم شامل ہیں۔یاد رہے کہ پاکستانی کھلاڑی ثنا میر کی چار وکٹوں کی بدولت پاکستان نے جنوبی افریقہ کی ویمن ٹیم کو 63 رنز سے شکست دیدی تھی اور اس طرح پاکستان کو تین میچوں پر مشتمل سیریز میں ایک صفر کی برتری حاصل ہے ۔

موضوعات:پاکستانی کرکٹ