اسلام آباد(مانیٹرنگ ڈیسک) رمضان سے پہلے عوام پر مہنگائی کا ایک اور بم ،پیٹر ولیم مصنوعات کی قیمتوں میں اضافہ کر دیاگیا۔نجی ٹی وی کے مطابق پیٹر ول کی قیمت میں 9روپے 42پیسے،ڈیز ل کی قیمت میں 4روپے 89پیسے جبکہ مٹی کے تیل کی قیمت میں 7روپے 46پیسے فی لیٹر اضافہ کردیا گیا ہے۔پٹرول کی نئی قیمت 108 روپے 31پیسے جبکہ مٹی کے تیل کی نئی قیمت 96.77روپے مقررکی گئی ہے۔

دوسری جانب ایف بی آر نے پیٹرولیم مصنوعات کی قیمتوں پر ٹیکس کی نئی شرح بھی جاری کردی ۔ پیٹر ول پر نئی شرح 12فیصد کر دی گئی ہے جبکہ ڈیزل، مٹی کے تیل اور ایل ڈی او پر ٹیکس کی یکساں شرح 17فیصد کر دی گئی ۔پیٹرولیم مصنوعات کی قیمتوں کے اطلاق سے چند لمحے پہلے نوٹی فکیشن جاری کیا گیا ۔حکومت کے اس فیصلے پر عوام نے شدید ردعمل کا اظہار کیا ہے ْ