لاہور(آن لائن) سابق وزیراعظم میاں نوزا شریف نے مولانا فضل الرحمان سے جیل میں ملاقات نہ کرنے کا شکوہ کرتے ہوئے کہا کہ بلاول بھٹو نے جیل میں ملاقات کرکے ان کا حوصلہ بڑھایا وقت آنے پر ساتھ چلیں گے۔ میڈیا رپورٹس کے مطابق نواز شریف نے منگل کے روز مولانا فضل الرحمان سے ملاقات کے دوران ان سے شکوہ کیا کہ وہ جیل میں تھے تو مولانا ان سے ملنے بھی نہیں آئے جس پر مولانا فضل الرحمان نے کہا کہ وہ ملنا چاہتے تھے مگر اجازت نہیں ملی جس پر

نواز شریف مسکرا دیے اور مولانا سے کہا کہ آپ کس سے اجازت مانگ رہے تھے مجھ سے سب ملنے آئے مگر آپ نہیں آئے نواز شریف نے کہا کہ بلاول کی مثبت سوچ سے متاثر ہوا ہوں انہوں نے جیل میں ملاقات کرکے میرا حوصلہ بڑھایا انہوں نے کہا کہ وقت آنے پر ہم ساتھ چلیں گے، ملک میں مہنگائی کا طوفان برپا ہے عام آدمی کیلئے جینا مشکل ہے، مولانا فضل الرحمان کے تحریک میں ساتھ دینے کی اپیل پر نواز شریف نے کہا کہ پارٹی سے مشاورت کیلئے وقت دیں۔