اسلام آباد ( آن لائن ) وفاقی وزیر اطلاعات فواد چوہدری اور ایم ڈی پی ٹی وی کے جھگڑے کا ڈراپ سین ہوگیا‘ فواد چوہدری کی سربراہی میں نئے ایم ڈی پی ٹی وی کی سلیکشن کیلئے پانچ رکنی کمیٹی قائم‘ وفاقی سیکرٹری اطلاعات اور وزیراعظم کے معاون خصوصی برائے میڈیا یوسف بیگ مرزا بھی کمیٹی میں شامل ہیں۔ تفصیلات کے مطابق وفاقی وزیر اطلاعات فواد چوہدری اور ایم ڈی پی ٹی وی کے درمیان جاری
اختیارات کی جنگ اپنے انجام کو پہنچ گئی۔ وفاقی وزیر اطلاعات فواد چوہدری کی سربراہی میں نئے ای ڈی پی ٹی وی کے انتخابات کیلئے پانچ رکنی کمیٹی قائم کردی گئی ہے۔ کمیٹی میں فواد چوہدری کے علاوہ وفاقی سیکرٹری اطلاعات‘ وزیراعظم کے مشیر برائے میڈیا یوسف بیگ مرزا ‘ ندیم بابر اور سہیل وڑائچ شامل ہیں پانچ رکنی کمیٹی نئے ایم ڈی پی ٹی وی کی سلیکشن کرکے تعیناتی کی سفارش کرے گی۔
