اسلام آباد (این این آئی) ایشین پیسفک جوڈو چمپئن شپ 19 سے 23 اپریل تک متحدہ عرب امارات کے شہر الفجیرہ میں کھیلی جائیگی جس میں 2 کھلاڑی اور ایک آفیشل ملک کی نمائندگی کرینگے۔ کھلاڑیوں میں شاہ حسین شاہ اور آمنہ طیاڈا جبکہ آفیشل میں مسعود احمد خان بطور منیجر اور کوچ ٹیم کے ہمراہ ہوں گے۔ پاکستان جوڈو فیڈریشن کے

نائب صدر اور ڈائریکٹر مسعود احمد خان کے مطابق دونوں کھلاڑی جاپان میں تربیت حاصل کررہے ہیں اور وہ براہ راست ایونٹ میں شرکت کیلئے یو اے ای پہنچیں گے۔ ایونٹ میں شرکت کے بعد وہ پاکستان واپس آئیں گے۔ انہوں نے کہا کہ میگا ایونٹ میں ایشین ممالک کی ٹیمیں شرکت کریں گی۔ انہوں نے کہا کہ یہ ایونٹ ٹوکیو میں ہونے والے اولمپک گیمز 2020ء کیلئے کوالیفکیشن راؤنڈ ہے۔

موضوعات:ایشین پیسفک جوڈو چمپئن شپ