نئی دہلی(نیوزڈیسک)بھارتی میڈیا نے اپنے ملک میں پڑنے والی گرمی کاذمہ دار پاکستان سے آنے والی گرم ہواﺅں کو ٹھہرادیا بھارت کے ایک اخبار نے الزام لگایا کہ پاکستان سے آنے والی گرم ہواوں نے بھارت بھر میں قاتلانہ وار کیا جس سے کئی سو افراد ہلاک ہوگئے۔ا دھرڈائریکٹر محکمہ موسمیات بی پی یادیوکے مطابق پاکستان کے صوبے سندھ سے آنے والی گرم ہوائیں نئی دہلی میں گرمی اور خشک موسم کا سبب بن رہی ہیں ۔نئی دہلی میں گذشتہ روز درجہ حرارت 45 اعشاریہ5 ڈگری تک پہنچ گیا تھا جوگزشتہ دس برس میں مئی کے مہینےمیں ریکارڈ کیا گیا دوسرا گرم ترین دن تھا۔