لاہور(این این آئی)ڈسڑکٹ فٹ بال ایسوسی ایشن لاہور کے زیراہتمام ڈسٹرکٹ فٹ بال لیگ12 اپریل سے شروع ہوگی۔ڈسڑکٹ فٹ بال ایسوسی ایشن کے قائمقام صدر چوہدری زوالفقار علی نے میڈیا سے گفتگو کرتے ہوئے بتایاکہ لیگ کی تیاریاں زور و شور پر ہیں اور لیگ کے انتظامات کو آخری شکل دینے کے لئے گذشتہ روزڈسڑکٹ فٹ بال ایسوسی ایشن کا خصوصی اجلاس منعقد ہوا جس میں انیس خان لودھی، طاہر صدیق، انیق الرحمن ، تنویر ضیاء بٹ، محمد ریاض، ارشاد احمداورحسان بٹ نے

شرکت کی،لیگ میں ڈسڑکٹ فٹ بال ایسوسی ایشن سے منسلک تمام ٹیمیں لے رہی ہیں اور لیگ کے میچز لاہور کی پانچ مختلف گراؤنڈوں میں کھیلے جائیں گے ۔انہوں نے کہا کہ ڈسڑکٹ فٹ بال ایسوسی ایشن نے کھلاڑیوں اور ریفریز پر غیر قانونی منعقد ہونے والے ٹورنامنٹ کھیلنے اور کھیلانے پر پابندی عائد کر دی ہے ۔انہوں نے کہا کہ ڈسڑکٹ فٹ بال ایسوسی ایشن سے منسلک تمام ٹیموں کے عہدے داروں کو ہدایت کی ہے کہ کلب کو ٹورنامنٹ منعقد کروانے سے قبل اجازت لینا ضروری ہوگی۔