ولنگٹن(این این آئی) نیوزی لینڈ نے ورلڈ کپ 2019 کیلئے 15 رکنی اسکواڈ کا اعلان کردیا۔تفصیلات کے مطابق 30 مئی سے انگلینڈ میں شروع ہونے والے ورلڈ کپ 2019 کیلئے ٹیم کا اعلان کر کے نیوزی لینڈ ورلڈ کپ کے لیے ٹیم اعلان کرنے والا پہلا ملک بن گیا،کین ویلیمسن نیوزی لینڈ ٹیم کی قیادت کریں گے ، ٹام بلنڈل کو پہلی بار ون

ڈے ٹیم میں شامل کیا گیا ،راس ٹیلر چوتھی مرتبہ نیوزی لینڈ کے ورلڈ کپ اسکواڈ میں شامل ہیں ، کپتان کین ویلمسن، ٹم ساؤتھی اور مارٹن گپٹل نیوزی لینڈ کی طرف سے تیسرا ورلڈ کپ کھیلیں گے۔نیوزی لینڈ کے اسکواڈ میں کولن ڈی گرینڈہوم، ٹرینٹ بولٹ، لوکی فرگوسن، کولن منرو، میٹ ہنری، ٹام لاتھم، جمی نیشم، ہینری نکولز، مچل سینٹنر اور اش سودھی شامل ہیں۔