اسلام آباد( آن لائن )ملک میں ٹیکس فائلرز کی تعداد تاریخ کی بلند ترین سطح پر پہنچ گئی ، ملکی تاریخ میں پہلی بار 31مارچ تک 18لاکھ افراد نے انکم ٹیکس گوشوارے جمع کروائے۔ اتوار کے روز ایف بی آر کی جانب سے جاری بیان میں کہا گیا ہے کہ ملک بھر میں ٹیکس فائلرز کی تعداد 18لاکھ تک پہنچ گئی ، گزشتہ روز 31مارچ تک 18لاکھ لوگوں نے ٹیکس ریٹرنز فائل کیے ۔ ملکی تاریخ میں پہلی بار ٹیکس فائلرز کی تعداد 18

لاکھ تک پہنچی ہے ۔ ایف بی آر نے سال 2018کیلئے گوشوارے جمع کروانے کی تاریخ 31مارچ مقرر کی تھی تاہم ٹیکس گوشوارے داخل کروانے والوں کی تعداد میں حوصلہ افزاء اضافے کے بعد آخری تاریخ بڑھا دی گئی ہے۔ ایف بی آر نے انکم ٹیکس اور ویلتھ ٹیکس مالی سال 2018کے گوشوارے جمع کروانے کی نئی تاریخ 30اپریل مقرر کردی ہے جس کا مقصد زیادہ سے زیادہ لوگوں کو ٹیکس نیٹ میں لانا ہے۔

موضوعات:ٹیکس فائلرز کی تعداد