اسلام آباد(این این آئی) پاکستان پیپلز پارٹی کے رہنما سینیٹر رحمن ملک نے کہاہے کہ پہلے کہہ دیا تھا شہباز شریف قسمتی کا دھنی ہے ، کہا تھا نوازشریف بیمار ہیں علاج کیلئے رہا ہوسکتے ہیں ۔ میڈیا سے بات چیت کرتے ہوئے رحمن ملک نے کہاکہ پہلے کہا تھا کہ شہباز شریف قسمت کا دھنی ہے، ضمانت ہو جائیگی ۔رحمان ملک نے کہاکہ پہلے کہا تھا کہ میاں نوازشریف بیمار ہیں علاج کیلئے رہا ہوسکتے ہیں۔

انہوں نے کہاکہ میاں صاحب کے علاج کے رہائی پہلے کہہ چکا تھا۔ رحمان ملک نے کہاکہ شائد اگلی بار میاں نواز شریف صاحب علاج کیلئے باہر چلے جائیں۔ انہوںنے کہاکہ ہمارے ملک میں احتساب سے زیادہ سیاسی انتقام چل رہا ہے۔ انہوںنے کہاکہ ہر حکومت میں پچھلی حکومتوں کیخلاف مقدمات کھلتے ہیں۔ انہوںنے کہاکہ ملک سے بزنس مین بھاگ رہے ہیں، روپے کی قیمت تیزی سے گر رہی ہے۔