کراچی (این این آئی)سابق صدر آصف علی زرداری کی مشکلات میں مزید اضافہ ہوگیا ہے۔ پی ٹی آئی کے رہنما خرم شیرزمان نے کہا ہے کہ قوم کو مبارک ہو، 4 اپریل کو آصف علی زرداری کے خلاف میری درخواست پہلی سماعت کے لیے منظور ہوگئی ہے سابق صدر آصف علی زرداری نے قوم سے جھوٹ بولا تھا خرم شیر زمان نے مزید کہا کہ

آصف علی زرداری نے اپنے اثاثے چھپائے، وہ صادق اور امین نہیں رہے۔ انہوں نے نیو یارک میں جائیداد اور بلٹ پروف گاڑیاں اثاثوں میں ظاہر نہیں کیں خرم شیرزمان نے کہا کہ آصف زرداری کی بدنصیبی دیکھئے کہ انکے کیس کا نمبر بھی 420 ہے۔ سابق صدر آصف علی زرداری کو قوم سے چار سو بیسی مہنگی پڑے گی۔

موضوعات:آصف علی زرداری