کراچی(آن لائن)سابق گورنر سندھ و مسلم لیگ ن کے رہنما محمد زبیر نے کہا ہے کہ آج وزیر اعظم پریشان ہیں کہ قوم سے کئے گئے وعدے کیسے پورے کریں، پی ٹی ائی کی حکومت میں تھوڑے ماہ اور رہی تو ہر طرف بے روزگاری اور مہنگائی کا طوفان آئے گا ابھی شروعات ہے پانچ سال پورے ہونے پر کیا ہوگا دو سوبلین ڈالر باہر لانے کے وعدے اور ٹیکس نہ لگانے کی باتیںآج کہاں ہے،
حکومت کا ذہین بچگانہ ہے عمران خان حکومت میں آنے سے پہلے ڈنمارک کے وزیر اعظم کی مثالیں دیتے تھے کہ وہ سائیکل پر آفس جاتے ہیں حکومت میں آتے ہی عمران خان نے سائیکل چلانا چھوڑ دی ہے۔ ان خیالات کا اظہار انہوں نے جمعہ کے روزکراچی پریس کلب میں پریس کانفرنس کرتے ہوئے سابق گورنر محمد زبیرکا کہنا تھا کہ اسٹیٹ بنک کے اعداد وشمار میں نصف کمی ہوچکی ہے چھ لاکھ سے زائد افراد کے بے روز گار ہونے کا خدشہ ہے چالیس لاکھ افراد غربت کی لکیر سے نیچے چلیں جائینگے جن پر کل تک عمران خان جن پر روزانہ پچیس کروڑ منی لانڈرنگ کا الزام لگاتے تھے وہی اسٹیٹ بنک کے گورنر ہیں سابق گورنر کا کہنا تھا کہ اٹھ ماہ گزرنے کے باوجود عوام مہنگائی کی جس دلدل میں پھس چکے اس کا حل شاید نکالنا بہت مشکل ہے آج معیشت اس مشکل میں پھس چکی ہے آج حکومت کے پاس کوئی حل نہیں ہے آج جو کچھ ہورہا ہے وہ سب دعوے کرنے والے عمران خان کے لئے کسی بے شرمی سے کم نہیں ہے، سات ماہ میں ائی ایم ایف سمیت کسی دوست ملک کو نہیں چھوڑا جس سے بھیک نا مانگی ہو محمد زبیر نے مزید کہا کہ پی ٹی آئی نے ایک کروڑ نوکریاں دینے کا وعدہ کیا تھا ٰآج مہنگائی دوگنی جبکہ گروتھ ریٹ ادھے سے بھی کم ہو جائیگا اج حکومت عوام کو بکریاں اور مرغیاں پالنے کے مشورے دے رہی ہے وزیراعظم کو چاہیے کہ وہ اپنی پرانی تقاریر ضرور سنیں۔
