لاہور( این این آئی )فاقی وزیر خزانہ اسد عمر نے کہا ہے کہ ملک خطر ناک حالات سے باہر نکل آیا ہے اورقوم کو پریشان ہونے کی ضرورت نہیں،صرف پنجاب کا ہی نہیں پورے پاکستان کا خزانہ ہی خالی ہے،پاکستان میں بیرون ممالک سے سرمایہ کاری آرہی ہے جس سے بہتری آئے گی ۔ پنجاب سول سیکرٹریٹ میں صحافیوں سے غیر رسمی گفتگو کرتے ہوئے اسد عمر نے کہا کہ آئندہ آنے والے دنوں میں پاکستان کے لئے بہت بڑی خوشخبریاں ہیں،

تیل ڈھونڈ رہے ہیں خوشخبری آنے پر حالات مزید بہتر ہوجائیں گے۔انہوں نے کہا کہ پاکستان میں جو بھی کرپٹ افراد ہیں سب کا احتساب ہونا چاہیے،نوازشریف کا مستقبل عدالت ہی طے کرے گی ،گزشتہ ادوار میں حکومتوں نے قومی خزانے کو بے دردی سے لوٹا کسی نے عوام کا نہیں سوچا۔انہوں نے ایک سوال کے جواب میں کہا کہ این ایف سی ایوارڈ میں سندھ حکومت کے تحفظات ہیں تووزیراعلی سندھ سے پوچھیں وہ کیوں نہیں آئے۔

موضوعات:اسد عمر