اسلام آباد (این این آئی) حکومت نے الیکشن کمیشن کے تقرر کیلئے اپوزیشن کو مزید تین نام تجویز کردیئے۔ وزیر اعظم عمران خان کی جانب سے اپوزیشن کو مشاورت کے لئے خط لکھ دیا گیا جس میں ممبر بلوچستان اور سندھ کے تین تین نام تجویز کئے گئے ہیں،بلوچستان کے لئے امان اللہ بلوچ،منیرکاکڑاور نوید جان بلوچ کے نام تجویز کئے گئے ،سندھ کیلئے خالد محمود صدیقی،فخرضیاء شیخ اور اقبال محمود کے نام تجویز کئے گئے،
وزیر اعظم کے پرنسل سیکرٹری کا خط اپوزیشن لیڈر کے چیمبر میں پہنچ گیاجس پر اپوزیشن لیڈر نے اعتراض اٹھا دیا ۔ ذرائع اپوزیشن کے مطابق آئین کے تحت خط براہ راست وزیراعظم کی جانب سے لکھا جانا چاہیے۔ اپوزیشن لیڈر کے مطابق آئین کے تحت وزیراعظم اپوزیشن لیڈرسے براہ راست مشاورت کے پابند ہیں۔شہباز شریف نے موقف اختیار کیاکہ الیکشن کمیشن اراکین کے تقرر کیلئے وزیراعظم خودخط لکھیں۔
