اسلام آباد(این این آئی)راولپنڈی ڈسٹرکٹ کک باکسنگ ایسوسی ایشن کے زیراہتمام اور ڈسٹرکٹ سپورٹس ڈیپارٹمنٹ کے تعاون سے یوم پاکستان راولپنڈی ڈسٹرکٹ کک باکسنگ چمپئن شپ 31 مارچ کو شہباز شریف سپورٹس کمپلیکس میں کھیلی جائے گی، راولپنڈی ڈویڑنل کک باکسنگ ایسوسی ایشن کے سیکرٹری عمران علی نے بتایاکہ چمپئن شپ کی تیاریاں زور و شور پر ہیں اور چمپئن شپ

میں آٹھ کیٹگریز کے مقابلے رکھے گئے ہیں جن میں 45 کلوگرام ، 49 کلوگرام،53 کلوگرام، 57کلوگرام، 61کلوگرام،65کلوگرام ، 69کلوگرام اور پلس 69کلوگرام مقابلے شامل ہیں ۔انہوں نے کہا کہ آزاد جموں و کشمیر کے باکسرز بھی خصوصی طور پر نمائشی مقابلوں میں حصہ لیں گے اور چمپئن شپ میں کامیابی حاصل کرنے والے کھلاڑیوں میں انعامات تقسیم کئے جائیں گے۔

موضوعات:ڈسٹرکٹ کک باکسنگ چمپئن شپ