لاہور ( این این آئی) مسلم لیگ (ن) کی مرکزی رہنما مریم نواز نے اپنے ٹوئٹر پر لگی تصویر تبدیل کردی ۔ مریم نواز نے نواز شریف کے دور اقتدار میں تصویر ٹوئٹر اکائونٹ پر لگا لی ہے ۔ ٹوئٹر پر تصویر میں نواز شریف نے بلیک پینٹ کوٹ اورسفید شرٹ کے ساتھ سرخ ٹائی لگا رکھی ہے ۔دریں اثنا نواز شریف
کی صاحبزادی مریم نواز نے اپنے ٹوئٹ میں کہا کہ اللہ کے بعد (ن) لیگ کے کارکنان کی بھی شکر گزار ہوں کہ نواز شریف کو رہائی ملی ۔ میرے جذبے اور امیدوں کو کارکنان نے بڑھائے رکھا ۔ میرے پاس الفاظ نہیں کہ کارکنان کا کس طرح شکریہ ادا کروں ۔ اللہ رب العزت ہم سب کا حامی و ناصر ہو ۔
