لاہور( این این آئی)کوٹ لکھپت جیل کے باہر لیگی کارکنوں اور پیشی سے واپس لائے جانے والے قیدیوں کے درمیان نعروں کا مقابلہ ہوا ۔ سپریم کورٹ سے طبی بنیادوں پر ضمانت کی خبر ملتے ہی بڑی تعداد میں کارکن کوٹ لکھپت جیل کی جانب جانے والے مرکزی راستے پر جمع ہو گئے اور نواز شریف کے حق میں نعرے لگاتے رہے ۔ اسی دوران مختلف عدالتوں میں پیشی سے واپس لائے جانے والے قیدیوں نے لیگی کارکنوں کے نعروں کے جواب میں گاڑی کے اندر سے ہی عمران خان کے حق میں نعرے لگائے جس سے دلچسپ صورتحال پیدا ہو گئی۔