کراچی( آن لائن )قومی کرکٹ ٹیم کے کپتان سرفراز احمد نے مئیر کراچی کو شکایت کی ہے کہ انہیں جو پلاٹ کرکٹ اکیڈمی بنانے کے لیے دیا گیا تھا اس پہ کام نہیں کرنے دیا جارہا۔سرفراز احمد نے بتایا کہ قبضہ مافیا انہیں تنگ کر رہا ہے۔ یاد رہے کہ چیمپئین ٹرافی جیتنے کے بعد کراچی کے مئیر وسیم اختر نے کراچی میں موجود کاکا گرائونڈ سرفراز احمد کو دیا تھا تا کہ
وہ وہاں کرکٹ اکیڈمی بنا سکیں لیکن اب سرفراز احمد مئیر کراچی کے پاس شکایت لے کر گئے ہیں کہ انہیں گرائونڈ پر کام نہیں کرنے دیا جارہا اور قبضہ مافیا انہیں تنگ کر رہا ہے۔اس شکایت پر مئیر کراچی وسیم اختر نے حیرت کے ساتھ برہمی کا بھی اظہار کیا اور کپتان سرفراز احمد کو یقین دلایا کہ فوری طور پر ان کی شکایات کا ازالہ کر دیا جائے گا۔
