اسلام آباد ( آن لائن ) پیپلزپارٹی کے رہنماء سینیٹر رحمن ملک نے کہا ہے کہ سمجھوتہ ایکسپریس کے معاملے میں خون کا حساب مانگتے ہیں معاملہ عالمی عدالت میں جانا چاہیے۔ سمجھوتہ ایکسپریس کیس کا فیصلہ کرنے والا جج مودی کا ذاتی دوست ہے۔ ہفتے کے روز پریس کانفرنس سے خطاب کرتے ہوئے رحمن ملک نے بھارت سے مطالبہ کیا کہ سمھجوتہ ایکسپریس میں شہید ہونے والے پاکستانیوں کے خون کا حساب مانگتے ہیں
جبکہ سمھجوتہ ایکسپریس کے معاملے کو عالمی عدالت انصاف میں لے کر جانا چاہیے۔ انہوں نے کہا کہ سمھجوتہ ایکسپریس کے مقدمے کا فیصلہ کرنے والا جج بھارتی وزیراعظم نریندر مودی کا ذاتی دوست ہے۔ اگر آر ایس ایس کو واپس لایا گیا تو بھارت میں بہت سے مسائل جنم لیں گے۔ رحمن ملک نے کہا کہ لڑائی کسی مسئلے کا حل نہیں ہے۔ بھارت کے ساتھ بیٹھ کر تمام مسائل کے حل کی طرف برھنا چاہیے۔
