نارنگ منڈی ( آن لائن ) رات گئے لاہور سے نارووال جانے والی فیض احمد فیض ایکسپریس کو تقریباً30 سے زائد نوجوانوں نے نارنگ منڈی ریلوے سٹیشن پر یرغمال بنا لیا اور ایک گھنٹہ تک ڈرائیور اورگارڈ کو جان سے مار دینے کی دھمکی دے کر ٹرین کو روکے رکھا ویکیوم پائپ توڑدیئے اورٹرین کوناکارہ بنادیا ریلوے پولیس اپنی جانوں کو بچانے کے لئے غائب ہو گئی

مسافروں کی چیخ و پکار پر کان پڑی آواز سنائی نہ دیتی تھی ایک گھنٹہ بعد نارنگ منڈی پولیس نے موقع پر پہنچ کر حالات پر قابو پایا جبکہ دوخواتین دہشت سے بیہوش ہوگئیں بتایا جاتا ہے کہ مذکورہ ٹرین میں دو نوجوانوں کے مابین معمولی بات پر تصادم نے شدت اختیار کر لی چلتی ٹرین میں ہاتھا پائی اور گالی گلوچ کرتے رہے جس کے باعث خواتین بچوں اور بوڑھوں کو شدید پریشانی اٹھانا پڑی نوجوان عورتوں اور بچوں پر گرتے رہے بعد ازاں ایک نوجوان نے فون پراپنے ساتھیوں کوصورتحال سے آگاہ کیاجب ٹرین نارنگ منڈی رکی تواس کے دو درجن سے زائد ساتھی نارنگ منڈی ریلوے سٹیشن پہنچ گئے اورمذکورہ نوجوان کو تلاش کرکے اس قدروحشیانہ تشددکانشانہ بنایاکہ وہ خون میں لت پت بیہوش ہوکرپلیٹ فارم پرگرپڑا جب ڈرائیور نے ٹرین چلانے کی کوشش کی تو مسلح نوجوانوں نے ٹرین کے ویکیوم پائپ اتاردیئے ڈرائیور اور گارڈ کو جان سے مار دینے کی دھمکیاں دیں جبکہ ڈنڈ ہ بردارگروپ کے وحشیانہ تشدد سے بدو ملہی کا فیصل محمود شدید زخمی ہو گیا جسے ریسکیوں 1122نے فوری طور پر ہسپتال پہنچایا جہاں اس کی حالت نازک بیان کی جارہی ہے