ممبئی (نیوزڈیسک) بھارتی وزیرداخلہ بھی پاکستان کیخلاف زہر اگلنے لگے،بھارتی وزیر دفاع کے بعد بھارتی وزیر داخلہ نے بھی دہشتگردی کا مقابلہ دہشتگردی سے کرنے کی حمایت کردی ہے۔میڈیا رپورٹ کے مطابق بھارتی وزیر داخلہ راج ناتھ سنگھ نے کہا ہے کہ دنیا جانتی ہے کہ دہشتگردوں کی پشت پناہی کون کر رہا ہے۔مشیر خارجہ سرتاج عزیز کے بیان پر بھارتی وزیر داخلہ راج ناتھ سنگھ نے ردعمل ظاہر کرتے ہوئے کہا کہ پوری دنیا جانتی ہے کہ دہشت گردی کی پشت پناہی کون کر رہا ہے، تین روز قبل بھارتی وزیر دفاع منوہر پاریکر نے ایک پروگرام میں کہا تھا کہ دہشت گردوں کو ختم کرنے کیلئے دہشت گردوں کو ہی استعمال کرنا چاہیے۔یہ ضروری نہیں ہے کہ دہشت گردوں کوختم کرنے کیلئے ہمیشہ فوجی ہی لڑیں۔