لاہور(این این آئی )وزیراعلی پنجاب سردار عثمان بزدار نے پاکستان سپر لیگ کے فائنل میں شاندار فتح پرکوئٹہ گلیڈی ایٹرز کی ٹیم کو مبارکباد دی ہے ۔ اپنے بیان میں وزیراعلیٰ پنجاب نے کہا کہ کوئٹہ گلیڈی ایٹرز کے کھلاڑیوں نے بہترین کارکردگی کا مظاہرہ کرتے ہوئے فتح حاصل کی ۔کوئٹہ گلیڈی ایٹرز کے کھلاڑیوں کی کامیابی ٹیم ورک کا نتیجہ ہے۔انہوں نے کہا کہ کوئٹہ گلیڈی ایٹرز کی ٹیم کے کھلاڑیوں نے شاندار کارکردگی کا مظاہرہ کر کے فتح
سمیٹی ہے۔کوئٹہ گلیڈی ایٹرز کی ٹیم نے ٹورنامنٹ کے دوران اعلی کارکردگی کا مظاہرہ کیا ہے۔وزیر اعلیٰ سردار عثمان بزدار نے کہا کہ کراچی میں ہونے والے پی ایس ایل کے فائنل کو یادگار میچ کے طو رپر یاد رکھاجائے گا اورپاکستان سپر لیگ کے کامیاب انعقاد پر منتظمین خراج تحسین کے مستحق ہیں ۔ انہوں نے کہا کہ پاکستان سپر لیگ کا کامیاب انعقاد پاکستان کرکٹ بورڈ کی انتھک محنت کا نتیجہ ہے۔
