کراچی(این این آئی)پاکستان پیپلزپارٹی کے چیئرمین بلاول بھٹو زرداری نے سابق وزیراعظم نوازشریف سے کوٹ لکھپت جیل میں ملاقات کے بعد وفاقی وزیراطلاعات فوادچوہدری کی جانب سے یوٹرن کے طعنے پرسماجی رابطوں کی ویب سائٹ ٹوئیٹرپراپنے پیغام میں کہا ہے کہ پہلے انسان بنو پھر سیاستدان بنو انسانیت سیاست
سے بالاتر ہے، کسی کی تیمارداری کو عیادت تک ہی رکھنا چاہیے۔اگر نئے پاکستان میں یو ٹرن لینے کا مطلب عظیم لیڈر بننا ہے تو آپ کے کہنے کا مطلب ہے کہ میں یوٹرن لے کراس صدی کا عظیم لیڈر بن گیاہوں۔بلاول بھٹوزرداری نے کہاکہ آپ کویاد نہیں جب بزرگ عمران خان گرے تھے تو نواز شریف نے ان کی عیادت کی تھی۔
