کراچی(این این آئی) کراچی ٹریفک پولیس نے پاکستان سپر لیگ کے7مارچ، 10مارچ، 13مارچ اور15مارچ 2019کے شیڈول میچز اور 17 مارچ 2019 کوہونے والے فائنل میچ کے سلسلے میں خصوصی ٹریفک پلان مرتب کیا ہے۔کراچی کے نیشنل اسٹیڈیم میں کھیلے جانے والے ان میچز میں پاکستان کے مایہ ناز کھلاڑیوں سمیت نامور غیر ملکی کھلاڑی حصہ لیں گے۔اس حوالے سے کراچی
ٹریفک پولیس نے متبادل راستوں کا تعین کیا ہے،اس کے علاوہ ٹریفک پولیس نے عوام کیلئے پارکنگ انتظامات بھی کیے ہیں۔شہر کے مختلف علاقوں سے نیشنل اسٹیڈیم آنے والے شائقین جن کے پاس میچ کے ٹکٹ ہوں گے انھیں پارکنگ کے لئے اصل شناختی کارڈ و میچ کا ٹکٹ دکھانا لازمی ہوگا۔پارکنگ کے مقامات میں گراؤنڈ نزد حکیم سعید پارک،اردو یونیورسٹی گراؤنڈ اور اتوار بازار گراؤنڈ بالمقابل بیت المکرم مسجد جبکہ ضلع وسطی(سینٹرل) اور غربی (ویسٹ )کے رہائشی براستہ نیپا اور لیاقت آباد نمبر10۔حسن اسکوائر سے بائیں جانب یونیورسٹی روڈ پر درج بالا مقامات پر اپنی گاڑی / موٹر سائیکل پارک کریں اور بزریعہ شٹل بس انہیں ایکسپو سینٹرکے پاس لایا جائیگا۔ضلع ملیر اور شرقی (ایسٹ )کے رہائشی براستہ صفورا، نیپا اور سہراب گوٹھ ، گلشن چورنگی بائیں جانب اے جی سند ھ یو ٹرن ، نیپا سے یونیورسٹی روڈ پر درج بالا مقامات پر اپنی گاڑی / موٹر سائیکل پارک کریں اور بذریعہ شٹل بس انہیں ایکسپو سینٹرکے پاس لایا جائے گا۔ غریب نواز فٹبال گراؤنڈ نز د ملینئیم مال میں ضلع شرقی(ایسٹ) اور ملیر کے رہائشی براستہ ڈرگ روڈ اور راشد منہاس روڈ۔ ملینئیم مال سے بائیں جانب اسٹیڈیم روڈ ( ڈالمیا کی جانب) پر درج بالا گراؤنڈ میں اپنی گاڑی / موٹر سائیکل پارک کریں اور بزریعہ شٹل بس انہیں بحریہ یونیورسٹی اسٹیڈیم روڈلایا جائیگا۔ایکسپو سینٹر یونیورسٹی روڈ،ضلع جنوبی (ساؤتھ) ، سٹی ، اور کورنگی و ڈیفنس کے رہائشی براستہ شارع فیصل۔شارع قائدین۔ اللہ والی چورنگی،سوسا ئٹی سگنل سے پیپلز سیکریٹریٹ چورنگی اور یونیورسٹی روڈ حسن اسکوائر،بیت المکرم مسجد کے سامنے یو ٹرن لیکر ایکسپو سینٹر گیٹ نمبر 1 سے گراؤنڈ پر اپنی گاڑی / موٹر سائیکل پارک کریں بعد تلاشی ایکسپو سینٹر گیٹ نمبر 2 سے اسٹیڈیم جا سکیں گے۔یا شارع فیصل ، ڈرگ روڈ
، راشد منہاس روڈ ، نیپا سے یونیورسٹی روڈ سے ایکسپو سینٹر گیٹ نمبر 1 کا راستہ اختیار کریں۔ضلع وسطی (سینٹرل ) اور غربی(ویسٹ) کے رہائشی براستہ ناظم آباد،لیاقت آباد نمبر 10 ،حسن اسکوائر سے بائیں جانب یونیورسٹی روڈ بیت المکرم مسجد کے سامنے یو ٹرن لیکر ایکسپو سینٹر گیٹ نمبر 1 سے گراؤنڈ پر اپنی گاڑی / موٹر سائیکل پارک کریں بعد تلاشی ایکسپو سینٹر گیٹ نمبر 2 سے اسٹیڈیم جا سکیں گے۔
متبادل راستوں کے حوالے سے جو انتظامات کیے گئے ہیں انکے مطابق شارع فیصل سے براستہ حبیب ابراہیم رحمت اللہ روڈ(کارساز) کی جانب سے براستہ اسٹیڈیم سر شاہ سلیمان روڈ، اسٹیڈیم عام پبلک کو جانے کی اجازت نہیں ہوگی۔کارساز، ڈرگ روڈ شارع فیصل سے بائیں جانب راشد منہاس روڈ، ملینیم سے نیپا اور اسی طرح ائر پورٹ سے آنے والے حضرات ڈرگ روڈ سے دائیں جانب راشد منہاس روڈ
ملینیم اور نیپاوالا راستہ اختیار کر سکتے ہیں۔ راشد منہاس روڈ سے اسٹیڈیم براستہ ڈالمیا روڈ عام پبلک کو جانے کی اجازت نہیں ہوگی۔ نیپا ، عسکری IV، ڈرگ روڈ سے شارع فیصل یا ملینیم ، نیپا سے صفورا یا گلشن چورنگی سے سہراب گوٹھ کا راستہ اختیار کر سکتے ہیں۔یونیورسٹی روڈ سے نیو ٹاؤن ٹرننگ اسٹیڈیم روڈ عام پبلک کو جانے کی اجازت نہیں ہوگی۔ جیل چورنگی سے شہید ملت یا پیپلز سیکریٹریٹ
چورنگی کا راستہ اختیار کر سکتے ہیں۔ آغا خان ہسپتال اور لیاقت نیشنل ہسپتال آنے والے حضرات نیو ٹاؤن تھانہ کی طرف سے آئیں ٹریفک پولیس کا عملہ انکی مکمل رہنمائی اور تعاون کے لیے موجود ہوگا۔یونیورسٹی روڈ ، شہید ملت روڈ اور راشد منہاس روڈ ٹریفک کے لیے کھلے رہیں گے۔ضلع وسطی،شرقی،ملیر،ضلع جنوبی اور ضلع غربی کے رہائشی لیاری ایکسپریس وے مرزا آدم خان چوک
ماڑیپور تا سہراب گوٹھ دونوں جانب استعمال کرسکتے ہیں اسی طرح بھاری ٹریفک کے حوالے سیجو انتظامات کیے گئے ہیں اسکے مطابق سہراب گوٹھ سے نیپا،لیاقت آباد نمبر 10 سے حسن اسکوائراور پیپلز سیکریٹریٹ چورنگی سے یونیورسٹی روڈ پر ہر قسم کی ہیوی ٹریفک کا داخلہ ممنوع ہوگا۔عوام الناس سے گزارش ہے کہ زحمت و پریشانی سے بچنے کیلئے قانون نافذ کرنے والے اداروں اور ٹریفک پولیس سے تعاون کریں۔
درج بالا ہدایات پر عمل کریں۔اپنی گاڑیوں /موٹر سائیکلوں کو کسی سروس روڈ یا مین روڈ پر کھڑی نہ کریں بلکہ دئیے گئے پارکنگ مقامات پر ہی پارک کریں۔کسی بھی پریشانی کی صورت میں رہنمائی کیلئے ٹریفک پولیس راہنما 1915 ملائیں جہاں ہمارے نمائندے آپکی رہنما ئی کے لئے موجودہونگے یا سوشل میڈیا یونٹ (فیس بک www.facebook.com/karachitrafficpolice۔ واٹس ایپ 03059266907 یا ایف ایم ریڈیو 88.6 سے تازہ ترین اپ ڈیٹ حاصل کرتے رہیں۔
