اسلام آباد (این این آئی)اسلام آباد نیٹ بال ایسوسی ایشن کے زیراہتمام اسلام آباد نیٹ بال ٹیم کے چناؤ کیلئے دو روزہ ٹرائلز (آج) جمعرات سے پاکستان سپورٹس کمپلیکس میں شروع ہوں گے۔ اسلام آباد نیٹ بال ایسوسی ایشن کے صدر کرنل(ر) غلام مرتضیٰ شاہ کے مطابق منتخب ٹیم قومی نیٹ بال چمپئن شپ میں شرکت کریگی جو 29 مارچ سے

پاکستان سپورٹس کمپلیکس کے حمیدی ہال میں شروع ہوگی۔ چمپئن شپ میں اسلام آباد کی مردوں اور خواتین کی ٹیمیں شرکت کریں گی۔ انہوں نے کہا کہ ٹرائلز کے دوران15 مرد اور 15 خواتین کھلاڑیوں کا چناؤ کیا جائیگا۔ انہوں نے کہا کہ کھلاڑیوں کے چناؤ کے بعد دو ہفتے کا تربیتی کیمپ لگایا جائیگا اور کیمپ کمانڈنٹ اسلام آباد نیٹ بال ایسوسی ایشن کے سیکرٹری جاوید بنگش ہوں گے۔