دمشق(این این آئی)ایرانی پاسداران انقلاب کی بیرون ملک سرگرم القدس ملیشیا کے سربراہ جنرل قاسم سلیمانی نے بشار الاسد کو عربوں کا ہیرو کا لقب دیتے ہوئے کہاہے کہ ایران کی بہ دولت بشار الاسد عربوں کا ہیرو بن گیا،غیرملکی خبررساں ادارے کے مطابق فیلق القدس کے سربراہ جنرل قاسم سلیمانی نے تسلیم کیا کہ بشار الاسد کی حکومت کو ایران کی معاونت سقوط سے بچا لیا گیا۔ ایران کے قم شہر میں ایک تقریب سے خطاب میں جنرل قاسم سلیمانی نے کہا کہ اسلامی انقلاب کی برکت سے خطے میں
اسلامی تحریکوں کی بنیاد پڑی اور فلسطین کی فتح و نصرت کا راستہ ہموار ہوا۔ ایران ہی کی بہ دولت آج بشار الاسد عرب دنیا کا ہیرو ہے۔ یہ سب کچھ ا ایران کی وجہ سے ہوا۔انہوں نے مزید کہا کہ شام میں فتوحات ایران کی معاونت کی مرہون منت ہیں۔ جنرل قاسم سلیمانی نے خبردار کیا کہ ایرانی رجیم کو نقصان پہنچانے والے اس کے سنگین نتائج سے بچ نہیں سکیں گے۔ انہوں نے بشارلاسد کو ایرانی قوم کے لیے انتہائی اہمیت کا حامل عرب لیڈر قرار دیا اور ان کی خامنہ سے ملاقات کو خطے میں بم قرار دیا۔
