کراچی(این این آئی)سندھ باکسنگ ایسوسی ایشن کے تعاون اور کراچی ساؤتھ باکسنگ ایسوسی ایشن کے زیراہتمام ساؤتھ کپ کراچی باکسنگ چمپئن شپ (آج) بدھ سے کراچی میں شروع ہو گی۔ سندھ باکسنگ ایسوسی ایشن کے جنرل سیکرٹری اصغر بلوچ نے بتایاکہ کراچی کے باکسرز حصہ لیں گے۔ چمپئن شپ میں جونیئر کلاس انڈر۔16 اور یوتھ کلاس انڈر۔18 کے مقابلے رکھے گئے ہیں۔ جونیئر کلاس انڈر۔16 میں 8 ایونٹس جن میں 44، 46، 48،

50، 52، 54، 57 اور 60 کلوگرام جبکہ یوتھ کلاس انڈر۔18 میں 10 ایونٹس جن میں 49، 52، 56، 60، 64، 69، 75، 81، 91 اور 91 پلس کلوگرام کے مقابلے شامل ہیں۔ ٹورنامنٹ میں شرکت کرنے والی ٹیموں کے وزن کئے جائیں گے۔ اور ڈراز کا اعلان بھی کیا جائیگا۔ چمپئن شپ کے فائنل مقابلے 28 فروری کو کھیلے جائیں گے اور چمپئن شپ کے اختتام پر کامیابی حاصل کرنے والی ٹیموں کے کھلاڑیوں میں انعامات تقسیم کئے جائیں گے۔

موضوعات:باکسنگ چمپئن شپ