اسلام آباد (این این آئی)پلوامہ حملے کے بعد بھارت بوکھلاہٹ کا شکار ہوگیا ،پاکستانی قیدیوں پر بھارتی جیلوں میں تشدد شروع کروادیا ۔ سفارتی ذرائع کے مطابق بھارتی جیل میں قید پاکستانی قیدی شاکر االلہ کو بھارتی شدت پسندوں نے تشدد کا نشانہ بناکر مارڈالا۔سفارتی ذرائع کے مطابق شدت پسندوں کے گروپ میں سیو پرتاب سنگھ اندرا پال
سنگھ،مہیور سنگھ،شریا پرتاب سنگھ،کیشر سنگھ،کلدیپ سنگھ اور شیام پرتاب سنگھ شامل ہیں۔سفارتی ذرائع کے مطابق ان تمام افراد کے کیخلاف بھارتی پینل کوڈ کے دفعہ 302 کے تحت مقدمہ درج کر دیا گیا۔ذرائع کے مطابق پاکستانی قیدی پر حملے میں بھارتی پولیس ملوث ہے ،حملہ آوروں کو بھارتی پولیس کی شہ حاصل تھی۔
