اسلام آباد (این این آئی)سعودی ولی عہد شہزادہ محمد بن سلمان 17 فروری کو پاکستان کادورہ کریں گے ، ایئر پورٹ پر وزیراعظم عمران خان خود ولی عہدکا استقبال کریں گے۔نجی ٹی وی کے مطابق سعودی ولی عہد شہزادہ محمد بن سلمان17فروری کی سہ پہر پاکستان آئیں گے۔ سعودی ولی عہد شہزادہ دورہ پاکستان کے دوران وزیراعظم ہاؤس میں قیام کریں گے۔
اس ضمن میں وزیراعظم ہاؤس کی تزئین وآرائش کا کام تیز کر دیا گیا ۔سعودی ولی عہد کے ہمراہ اعلی سطح کے وفود بھی پاکستان آئیگا جو پاکستان میں سرمایہ کاری کریں گے ، پاکستان میں سرمایہ کاری کے حوالے سے سعودی سفیر نواف بن سعید المالکی اہم کردار اداکررہے ہیں، سعودی ولی عہد کی پاکستان آمد پر سیکیورٹی کے بھی سخت انتظامات کیے جائینگے ۔
