سپریم کورٹ (این این آئی)سپریم کورٹ نے مرغی چوری کے الزام میں گزشتہ ایک سال سے اڈالیہ جیل میں قید محمد زاہد کی ضمانت کیس بارہ فروری کو سماعت کے لئے مقرر کر دیا۔سپریم کورٹ کے جج جسٹس مشیر عالم کی سربراہی میں دو رکنی بینچ کیس کی سماعت کرےگا،دو رکنی بینچ میں جسٹس قاضی فائز عیسیٰ شامل ہیں ۔ملزم نے ضمانت کےلئے سپریم کورٹ سے رجوع کر رکھا تھا۔محمد زاہد پر اس کے

مالک سجاد نے 15 مرغیاں چرانے کا الزام لگایا تھا۔ملزم پر ایف آئی آر ہونے پر اسے پولیس نےگرفتار کر لیا تھا۔پولیس نے 380/457 (پی پی سی 1860) کے تحت ایف آئی آر درج کی تھی جو کہ قابل ضمانت جرم ہے۔ملزم نے گرفتاری کے بعد ضمانت کی درخواست جمع کروئی جسے مجسٹریٹ کے بعد ڈسٹرکٹ کورٹ نے بھی مسترد کر دیا۔اسلام آباد ہائی کورٹ نے بھی ملزم کی درخواست ضمانت مسترد کی تھی۔