سرگودھا(آن لائن ) صوبے بھر کے وکلاء کے لیے خوشخبری سامنے آئی ہے۔ وکلاء کے لیے مفت کالز کا منصوبہ تیار کیا جا رہا ہے۔ اس حوالے سے پنجاب بار کونسلر اور موبائل کمپنی کے درمیان معاہدے پر دستخط کیے جائیں گے جو کہ 13 فروری کو کیے جائیں گے۔13فروری کو ہی وکلاء کی سہولیات اور

رجسٹریشن کے لیے کاؤنٹر لگائے جائیں گے۔جب کہ وکلاء نے بھی اس اقدام کو بہترین قرار دے دیا ہے۔اس سے قبل ایک رپورٹ میں بتایا گیا تھا کہ وکلاء کے لیے موٹروے پر ٹول ٹیکس بھی معاف ہے۔جب کہ لاہور ہائیکورٹ نے اپنے اصل وکلاء کے لیے ہاؤسنگ سوسائٹی بنانے کا بھی فیصلہ کیا تھا۔