اسلام آباد(این این آئی)زلمی فینز اور عوام کے ساتھ وفاقی وزرا ء اور سیاستدان بھی ڈیرن سیمی کے مداح نکلے ۔ تفصیلات کے مطابق وزیر مملکت برائے داخلہ شہریار آفریدی، نعیم الحق، علی محمد خان نے ڈیرن سیمی سے ملاقات کی تصاویر شیئر کیں ۔وفاقی وزرا نے بھی ڈیرن سیمی کوہیرو قرار دیا۔وزیرمملکت شہر یار آفریدی نے کہاکہ ڈیرن سیمی امن کے سفیر اور ملک میں
انٹرنیشنل کرکٹ کی بحالی کی وجہ بنے۔ نعیم الحق نے کہا کہ ڈیرن سیمی پاکستان سے پیار کرتے ہیں۔ علی محمد خان نے کہا کہ جاوید آفریدی کی پاکستان کرکٹ کیلئے خدمات قابل تعریف ہیں۔علی محمد خان نے کہا کہ ڈیرن سیمی کا پاکستان آنا باعث خوشی رہا۔ڈیرن سیمی کی آمد پر جاوید آفریدی کی جانب سے دئیے گئے عشائیے میں ارکان اسمبلی اور نامور شخصیات نے شرکت کی۔
