لاہور(این این آئی)اداکارہ وگلوکارہ میگھا نے کہا ہے کہ ماضی کے مقابلے میں اس وقت فلم میکنگ اور فیشن انڈسٹری کی گرومنگ عروج پر ہے۔ سر و تال سے ناطہ جوڑنے والے ابھرتے ہوئے فنکارہماری میوزک انڈسٹری کا مستقبل ہیں۔ان خیالات کا اظہاراداکارہ وگلوکارہ میگھا نے خصوصی گفتگوکرتے ہوئے کیا،انہوں نے کہا کہ میوزک کے ذریعے امن و محبت کا پیغام عام کررہی ہوں۔ لوگ ہمیشہ میری
پرفارمنس کو سراہتے ہیں اورمیرے شو ز میں گائیکی کو انجوائے کرنیوالے لوگ موجود ہوتے ہیں۔ میگھا نے کہا کہ دنیا بھرمیں پاکستانی فنکاروں اورگلوکاروں کوپسندکیا جاتا ہے،انہوں نے کہا کہ دنیا کے ہرکونے میں پاکستانی میوزک کے دلدادہ موجودہیں۔بھارتی گلوکاررویندرسنگھ کے ساتھ گائے ہوئے میرے گیتوں کو بین الاقوامی سطح پرپزیرائی ملی،جس پر میں اللہ تعالیٰ کی نوازشوں کی شکرگزارہوں۔
