اسلام آباد (نیوز  ڈیسک ) پاکستان تحریک انصاف(پی ٹی آئی) کے رہنما خرم شیر زمان نے کہا کہ صوبہ سندھ میں پیپلز پارٹی کو حکومت کرتے ہوئے 11 سال ہو چکے ہیں، ہم بہت سال سے ان کی کرپشن کو برداشت کر رہے ہیں، سندھ میں لوگ بھوک اور پیاس سے مر رہے ہیں۔ منگل کو نجی ٹی وی سے بات کرتے ہوئے ان کا کہنا تھا کہ پیپلز پارٹی میں دو دراصل دو گروپ موجود ہیں،

ایک حقیقی گروپ اور دوسرا زرداری گروپ۔انہوں نے کہا کہ آنے والے دنوں میں پیپلز پارٹی کو بہت مشکلات در پیش ہوں گی، پیپلز پارٹی کے 22 سے 25 لوگ ہمارے ساتھ رابطے میں ہیں، یہ لوگ پیپلز پارٹی میں نہیں رہنا چاہتے۔ان کا کہنا تھا کہ ہم بلی کو دودھ کی رکھوالی کے لیے کیسے چھوڑ سکتے ہیں؟ ہمارا پہلا مطالبہ وزیراعلی سندھ مراد علی شاہ کا استعفیٰ ہے۔