کراچی(نیوز ڈیسک)کلفٹن زون پولیس نے کراچی کے علاقے ڈیفنس میں لڑکیوں کو خطرناک نشہ آئس فروخت کرنے والے ملزم کو گرفتار کر لیاہے۔ایس ایس پی سائوتھ کے مطابق مذکورہ ملزم کی گرفتاری بوٹ بیسن کے علاقے سے عمل میں آئی ہے جس سے اس حوالے سے تفتیش کی جارہی ہے تاکہ اس کے مزید ساتھی ملزمان کو گرفتار کیا جاسکے۔انہوں نے بتایا کہ ملزم نے روزانہ 15 گرام آئس ڈیفنس کی

لڑکیوں کو فروخت کرنے کا انکشاف کیا ہے۔ایس پی کلفٹن سوہائے عزیز کے مطابق ملزم نظام الدین مینگل کرولا کار میں حب چوکی سے ڈیفنس آئس سپلائی کرنے آتا تھا۔ملزم نے بتایا کہ آئس رئوف بروہی نامی منشیات فروش سے خرید کر لاتا ہوں، جس کا زہری لائن حب میں منشیات کا اڈا ہے۔گرفتار ملزم نے پولیس کو بتایاکہ نوجوان لڑکے اور لڑکیوں کو آئس فروخت کرتا تھا۔ ملزم سے مزید تحقیقات کی جارہی ہیں۔