لندن (این این آئی) برطانوی پولیس نے کہاہے کہ دریائے ٹیمز کے نزدیک اطالیہ کے ایک کارگو جہاز کا کنٹرول واپس لینے کیلئے کیا گیا آپریشن مکمل ہوگیا ہے اورجہاز کو محفوظ بنا لیا گیاہے ۔پولیس کے مطابق آپریشن کی تکمیل پر چار افراد کو حراست میں لے لیا گیا جبکہ اس دوران کوئی جانی نقصان نہیں ہوا، اس سے قبل مذکورہ جہاز کی آپریٹنگ کمپنی کے ترجمان نے بتایا تھا کہ

4افراد نے جہاز کے عملے کو دھمکی دی ہے۔برطانوی اخبار کے مطابق برطانوی اسپیشل فورسز ساحل کے نزدیک کنٹینروں کے حامل اغوا شدہ بحری جہاز کو واپس لینے کے واسطے دھاوے کی تیاری کر رہی تھیں۔اخبار نے مزید بتایا کہ سپیشل فورسز کے 25 کے قریب کمانڈوز کو ہیلی کاپٹر کے ذریعے علاقے میں پہنچایا گیا جہاں انہوں نے آپریشن کیا اور جہاز کو محفوظ بنا لیا۔

موضوعات:برطانوی پولیس