لاہور (نیوز ڈیسک) پیپلز پارٹی کی سینٹرل ایگزیکٹو کمیٹی کا اجلاس 26دسمبر بروز بدھ کو طلب کر لیا گیا۔اجلاس نوڈیرہ ہائوس میں شام 6 بجے منعقد ہوگاجس کی صدارت صدر آصف علی زرداری اور چیئرمین بلاول بھٹو مشترکہ طور پر کریں گے ۔اجلاس میں موجودہ سیاسی صوررتحال ،نیب کیسز سمیت دیگر اہم امور زیر غور آئیں گے۔دوسری جانب پاکستان پیپلز پارٹی کے چیئرمین بلاول بھٹو زرداری نے لاہور میں ڈیرئے ڈالنے کا فیصلہ کرلیا جہاں وہ سیاسی مہم کا آغاز کریں گے ۔ذرائع کے حوالے
سے بتایا گیا ہے کہ بلاول بھٹو کی ستائیس دسمبر کو اپنی والدہ بے نظیر بھٹو کی برسی کے بعد جنوری کے پہلے ہفتے لاہور آمد متوقع ہے اور یہا ں وہ بلاول ہائوس کی بجائے زیادہ تر قیام شمالی لاہور میں کریں گے ۔ذرائع کے مطابق بلاول بھٹو حاجی عزیز الرحمان چن اور اسلم گل کے گھر کارکنوں سے ملاقاتیں کریں گے۔ذرائع کا کہنا ہے کہ لاہور میں قیام کے دوران بلاول بھٹو یو ایم ٹی اور لمز یونیورسٹی میں کانفرنس سے خطاب کریں گے اور سینئر صحافی سید اظہر حسین کی عیادت بھی کریں گے ۔
