لندن (نیوزڈیسک)برطانوی دارالامرا کے رکن لارڈ نذیر احمد نے صدر مملکت ڈاکٹر عارف علوی کو خط لکھا ٗ دہری شہریت والے پاکستانیوں کو سکیورٹی رسک قرار دینے پر مایوسی کا اظہار کیا۔ منگل کو برطانوی دارالامرا کے رکن لارڈ نذیر احمد نے صدر مملکت ڈاکٹر عارف علوی کو خط لکھا خط کے متن میں لارڈ نذیر نے دہری شہریت والے پاکستانیوں کو سکیورٹی رسک قرار دینے پر

مایوسی کا اظہار کیا اور کہا کہ پاکستانیوں نے دہری شہریت پاکستانی قوانین کے مطابق اختیار کی ہے‘ سکیورٹی رسک والے پاکستانیوں کو پاکستان میں سرمایہ کاری سے روکا جائے۔ سکیورتی رسک والے پاکستانیوں کو حکومت پاکستان ترسیلات زر پاکستان نہ بھیجنے کی ہدایت کرے۔ خط میں کہاگیا کہ نئے پاکستان کی خدمت کیلئے پاکستان آئے ہائی ٹیک پاکستانیوں کو سرکاری دفاتر میں داخلے سے روکا جائے۔