اسلام آباد(مانیٹرنگ ڈیسک)سینئر صحافی عارف حمید بھٹی نے دعویٰ کیا ہے کہ پچھلے 5 سال کے دوران  اتنے تبادلے نہیں ہوئے جتنے پاکستان تحریک انصاف کی حکومت نے پچھلے 3ماہ میں کئے ہیں ۔انہوں نے گڈ گورننس کو بیڈ گورننس میں بدل دیا ہے ۔لاہور کی ڈی سی او شمائلہ سعید جسے خاتون اول کی قریبی سہیلی کی بناء پر لگایا گیا ہے ۔

اس بیچاری کو کام کرنے کا پتہ ہی نہیں۔اس کے بارے میں اتنی شکایات ہیں کہ میں بتا ہی نہیں سکتا۔ ہم چاہتے ہیں حکومت چلے ۔انہوں نے پی ٹی آئی حکومت کی 100 روزہ کارکردگی سے متعلق ایک مثال دیتے ہوئے کہا کہ ایک انتہائی غریب شخص تھا ۔اس کے پاس ایک پرائز بانڈ تھا ۔ ایک دن وہ درخت کے نیچے کھڑا ہو کر دعا کر رہا تھا کہ یا اللہ میرا پرائز بانڈ نکال دے ،حالات بہت خراب ہیں ۔ اسی اثنا میں جیب تراش نے اس کی جیب کاٹ لی ۔جب وہ گھر پہنچا تو اس کو علم ہو تا ہے کہ اس کی جیب کٹ چکی ہے ۔وہ پھر اسی مقام پر جاتا ہے اور کہتا ہے کہ اس نے دعا مانگی تھی کہ پرائز بانڈ نکل آئے لیکن اس کی تو جیب ہی کٹ گئی ۔۔۔۔100 دن میں بجلی ،گیس ،پٹرولیم قیمتیں مہنگی ہوگئیں،کیونکہ یہ تین چیزیں مہنگی ہوتی ہیں تو باقی چیزیں بھی مہنگی ہو جاتی ہیں تو میراخیال ہے وزیر اعظم عمران خان کو کچھ کرنا چاہئے۔میری اطلاعات کے مطابق وزیر اعظم تک حقائق پہنچنے ہی نہیں دئیے جا رہے ۔ان کے گرد خاص لوگوں کا ٹولہ ہے ۔عمران خان 10سال سے کہتے رہے کہ روزانہ 10سے 12ارب کی کرپشن ہوتی ہے ۔اب وہ اقتدار میں ہیں ،بتائیں اب تک انہوں نے کتنی کرپشن کو روکا ہے ۔کرپشن تواور زیادہ ہوئی ہے ۔ اورآنے والے دنوں میں پی ٹی آئی کے اتنے بڑے سیکنڈل سامنے آئیں گے کہ آپ ماضی کو بھول جائینگے ۔