کراچی (آئی این پی) مسلم لیگ (ن) کے رہنما و سابق وزیرخزانہ مفتاح اسماعیل نے کہا ہے کہ عوام کا حکومت کی 100روزہ کارکردگی پر ردعمل آ چکا ہے، حکومت کو خود پتہ نہیں کیا کرنا ہے؟غریبوں کو مرغی دینے کا پائلٹ شہباز شریف نے کیا تھا۔ہفتہ کو نجی ٹی وی سے گفتگو کرتے ہوئے مسلم لیگ (ن) کے رہنما و سابق وزیرخزانہ مفتاح اسماعیل نے کہا کہ ٹرمپ کے جواب میں وزیراعظم عمران خان نے امریکہ کو بہت اچھا جواب دیا ہے، امریکہ کا پرانا اصول ہے ڈومور ہم اور کتنا مور کریں، افغان مسئلہ سلجھانے کیلئے

پاکستان امریکہ کو ساتھ کام کرنا پڑے گا، امریکہ سمجھ رہا ہے کہ پاکستان پر دباؤ ڈال کر مسئلہ حل ہو گا تو یہ ممکن نہیں، عوام کا حکومت کی 100روزہ کارکردگی پر ردعمل آ چکا ہے، حکومت کو خود نہیں پتہ کہ کیا کرنا ہے، ڈالر کی قدر کبھی بڑھ رہی ہے، کبھی گھٹ رہی ہے، پاکستانمیں اچھی پولٹری انڈسٹری ہے، غریبوں کو مرغی دینے کا پائلٹ پراجیکٹ شہباز شریف نے شروع کیا تھا، حکومت کو غربت کے خاتمے کیلئے بہت سے اقدامات کرنا ہوں گے، تعلیم زیادہ ضروری ہے اگر انہیں انڈے بانٹنے ہیں تو انڈے بانٹیں۔