اسلام آباد (نیوز ڈیسک) قطر حکومت نے پاکستانی شہریوں کو قطر میں ایک لاکھ نوکریوں کی فراہمی کے لیے دو شہروں اسلام آباد اور کراچی میں ویزا مرکز کے قیام کیلئے ابتدائی امور مکمل کر لئے ہیں۔ اس کے علاوہ پاکستان نے پشاور میں تیسرا مرکز قائم کرنے کی تجویز بھی دے دی ہے، سفارتی ذرائع نے ایک موقر قومی اخبار کو بتایا کہ
نوکریوں کے حوالے سے ابتدائی منصوبہ بندی مکمل کر لی گئی ہے، اس کے علاوہ ویزا مرکز لاہور میں بھی کھولے جانے کا امکان ہے،ذرائع کا کہنا ہے کہ ویزا مراکز نئے سال کے اوائل میں قائم کیے جانے کا امکان ہے، واضح رہے کہ پاکستان نے پشاور میں ویزا مرکز کھولنے کی تجویز دی ہے لیکن ابھی اس پر حتمی فیصلہ نہیں ہوا ہے۔
