لاہور (نیوز ڈیسک) وفاقی وزیر ریلوے شیخ رشید احمد کے قریبی ساتھی، اہم سیاسی شخصیت، عوامی مسلم لیگ پنجاب کے صدر میاں قدیر پراسرار طور پر ہلاک ہوگئے، میاں قدیر کی لاش تین لڑکے کار میں لے جارہے تھے کہ پکڑے گئے۔ میاں قدیر جو کہ ہربنس پورہ کے رہائشی ہیں اپنی بیوی کے ساتھ کار میں رات ساڑھے دس بجے شادی ہال گئے اور انہیں وہاں چھوڑ کر واپس آ گئے، بھاٹی گیٹ پولیس نے رات

ایک بجے کے قریب ایک مشتبہ کار کو روکا تو اس میں سے ان کی لاش برآمد ہوئی، اس کار میں موجود لڑکوں شہزاد، رحیم اور احسان نے میاں قدیر کو اپنا باپ ظاہر کرنے کی کوشش کی، اس کے بعد کہنے لگے کہ سڑک پر حادثہ ہوا ہے ہم انہیں ہسپتال لے کر جا رہے تھے کہ ان کی موت واقع ہو گئی، ان کی موت کے حوالے سے ڈاکٹروں کا کہنا ہے کہ میاں قدیر دو گھنٹے پہلے فوت ہو چکے تھے۔

موضوعات:شیخ رشید احمد