اسلام آباد(مانیٹرنگ دیسک) جرمنی کی پاکستانیوں کو 30لاکھ نوکریاں دینے کی پیش کش ، حکومت پاکستان کو تجربہ کار اور پیشہ وارانہ لیبر فراہم کرنے کیلئے منصوبہ بندی کی درخواست کیلئے خط بھجوا دیا۔ تفصیلات کے مطابق جرمن وزارت داخلہ کے یورپی ونگ نے پاکستانی حکومت سے ہنرمند مزدوروں کی فراہمی کی درخواست کرتے ہوئے ایک خط ارسال کیا ہے ۔ خط میں

مختلف شعبوں کیلئے جرمنی میں لیبر فراہمی کی درخواست کی گئی ہے۔ جرمنی نے پاکستان سے 30لاکھ ہنر مند لیبر مانگے ہیں جس میں آئی ٹی سپیشلسٹ اور انجینئرز بھی فراہم کرنے کی درخواست کی گئی ہے۔واضح رہے کہ جرمن معاشی اعتبار سےسب سے بڑا یورپی ملک ہے جسے لیبر کی کمی کا سامنا ہے۔ جرمن کابینہ نے اس صورتحال کو سامنے رکھتے ہوئے فیصلہ کیا ہے کہ لیبرز کی کمی کو پورا کرنے کیلئے یورپ کے باہر سے افراد کو لا کر کمی کو پورا کیا جائے اور اس حوالے قوانین میں بھی نرمی لائی جائے گی جس کے تحت جرمن حکومت نے پاکستان سے رابطہ کیا۔جرمن حکومت کی جانب سے لکھے گئے خط میں اس بات کی بھی یقین دہانی کروائی گئی ہے کہ جرمنی پاکستان سے منگوائے جانے والے افرا دکو قانون طریقے سے جرمنی لیکر جائے گا۔ جرمنی نے پاکستان کی متعلقہ وزارت کو اس سلسلے میں خط لکھا ہے، جس میں درخواست کی گئی ہے کہ وہ جرمنی میں ہنر مند افراد کی کمی پورا کرنے کے لیے منصوبہ تیار کریں تاکہ جرمنی مدد ہو سکے۔جس میں درخواست کی گئی ہے کہ وہ جرمنی میں ہنر مند افراد کی کمی پورا کرنے کے لیے منصوبہ تیار کریں تاکہ جرمنی مدد ہو سکے۔ جرمن جریدے کی رپورٹ کے مطابق پاکستان نے قانونی طور پر ہنر مندوں کو جرمنی بھیجنے پر رضا مندی کا اظہار کیا ہے۔ لکھے گئے اس لیٹر میں آئی ٹی ماہرین، انجینئرز اور لوہے کی صنعت سے متعلقہ شعبوں میں ہنر مند افراد کی ضرورت کا ذکر کیا گیا ہے۔